Панькоў: Мы дзесяцігоддзямі займаемся бізнэсам, не разумеючы сутнасці

Пра тое, што айчыннаму бізнэсу неабходна ведаць пра сваю кампанію, распавядае мадэратар панэльнай дыскусіі "Бізнэс-мадэлі як аснова карпаратыўнага лідэрства", кіруючы партнёр і дырэктар кансалтынгавай групы "Тут і Цяпер" Аляксандр Панькоў.

Што менавіта будзе абмяркоўвацца падчас панэльнай дыскусіі "Бізнэс-мадэлі як аснова карпаратыўнага лідарства" 18 лістапада?

Мы будзем абмяркоўваць бізнес-мадэлі беларускага бізнэсу. Адна з праблем айчыннага бізнэсу палягае ў тым, што мы дзесяцігоддзямі займаемся бізнэсам, часцяком не разумеючы яго сутнасці. Мы спрабуем абслужыць усіх кліентаў, мы спрабуем працаваць без ключавых працэсаў, мы спрабуем працаваць на вельмі небяспечнай канкурэнтнай перавазе — нізкім кошце.

Задача будучай дыскусійнай панэлі — абмеркаваць сітуацыю, якая склалася, і зразумець, як падыходзіць да бізнэс-мадэляў. Любы прадпрымальнік павінен пачынаць свой бізнэс з базавага апісання наяўнай бізнэс-мадэлі, каб ацаніць, куды можна рухацца далей. Я глыбока перакананы: калі б айчынныя працадаўцы мелі дакладнае ўяўленне пра бізнэс-мадэлі, іх бізнэс быў бы значна больш паспяховы і больш эфектыўны.

Ці існуюць тыпавыя бізнэс-мадэлі, прынятыя ў нашай краіне?

Вядома, ёсць базавы набор бізнэс-мадэляў (класіфікацыя паводле Аляксандра Остэрвальда). Аднак трэба даваць сабе справаздачу, што нават у тыпавых бізнэс-мадэлях многае вырашаюць нюансы. На што менавіта трэба рабіць акцэнт прадпрымальніку, як адбудоўваць ад канкурэнтаў, як вылучаць асобныя бізнэс-працэсы, як ствараць вакол сябе каманду партнёраў для развіцця бізнэсу, дзе шукаць кліентаў, хто ваш кліент і іншае. Аб гэтых нюансах мы таксама будзем казаць падчас панэльнай дыскусіі.

Ці можна пабудаваць мадэль бізнэсу, які толькі ствараецца?

Абавязкова. У гэтым плане пабудова бізнэс-мадэлі для пачатковага бізнэсу значна прасцейшая, чым стварэнне стратэгіі. У маладога прадпрымальніка наўрад ці адразу ёсць разуменне стратэгіі развіцця бізнэсу. А вось бізнэс-мадэль, якая адказвае на пытанні: хто кліент, дзе ён знаходзіцца, як робім даход, дзе выдаткі — гэта ключавыя базавыя рэчы, якія трэба вызначаць ўжо на старце бізнэсу. Тады шанцы на выжыванне і далейшы рост бізнэсу рэзка ўзрастаюць.

Калі параўноўваць узровень разумення бізнэс-мадэляў паміж беларускім і расійскім бізнэсам, у каго ёсць перавага?

Я магу сказаць, што беларусы вельмі даўно знаходзяцца ў даволі жорсткіх умовах вядзення бізнэсу. Наш урад не дае айчыннаму бізнэсу расслабіцца і страціць хватку. Таму беларусы больш патрабавальныя, дэталёвыя ў падыходах да бізнэс-працэсаў. У расіян у гэтым плане была больш спакойная абстаноўка і толькі цяпер у сувязі з санкцыямі з'яўляецца цікавасць да гэтых пытанняў.

Калі разглядаць падыходы да бізнэсу ў цэлым, то беларускі прадпрымальнік у сярэднім больш гатовы да ўдараў лёсу, чым расійскі бізнэсмен.