Прагаласаваць за лепшыя беларускамоўныя кліпы можна будзе на нашым сайце

З 16.00 18 кастрычніка да 16.00 19 кастрычніка ў наведвальнікаў сайта Еўрарадыё будзе магчымасць выбраць лепшы кліп беларускамоўнага выканаўцы ў катэгорыі “Анімацыйны кліп” і “Лірычны кліп”. Гэтая акцыя ладзіцца ў межах першага фэсту кліпаў беларускамоўных выканаўцаў, які 18-19 кастрычніка ў Мінску праводзіць “Моладзь “БНФ”.

Конкурсны дзень фестывалю – 19 кастрычніка, але толькі ў нас вы даведаецеся пра намінантаў у двух катэгорыях і зможаце выбраць свае лепшыя кліпы.

Пераможцы галасавання на сайце Еўрарадыё атрымаюць ганаровыя дыпломы.