Прамыслоўцы выступаюць за прывязку курсу беларускага рубля да расійскага
Беларускія прамыслоўцы выступаюць за прывязку курсу беларускага рубля да расійскага, паведаміў журналістам 20 лютага першы віцэ-прэм'ер урада Уладзімір Сямашка.
"Мы павінны разумець прамыслоўцаў, дырэктараў прадпрыемстваў. Калі год таму яны зараблялі расійскі рубель, дык тут за гэты рубель яны мелі 90—91 беларускіх. А сёння за гэты рубель яны атрымліваюць 74—75 беларускіх, і праблема не ў нас, праблема ў Расіі", — зазначыў У.Сямашка.
Ён патлумачыў, што з-за паслаблення расійскага рубля беларуская прадукцыя становіцца неканкурэнтаздольнай на расійскім рынку. У.Сямашка прывёў у прыклад Мінскі трактарны завод, які "за чацвёрты квартал мінулага года ў Расіі страціў каля 20 млн. долараў". Пры гэтым першы віцэ-прэм'ер зазначыў, што згодна з прагнозамі Цэнтрабанка Расіі з другой паловы года расійскі рубель пачне ўмацоўвацца.
У.Сямашка падкрэсліў, што ў Беларусі не будзе больш разавай дэвальвацыі, якая была ў пачатку студзеня. "Абвальнай дэвальвацыі не будзе", — заявіў ён і патлумачыў, што ў экспартна арыентаванай краіне з адкрытай эканомікай, якой з'яўляецца Беларусь, "умераная, разумная, мяккая" дэвальвацыя спрыяе абароне ўнутранага рынку і стымулюе экспарт.
Першы віцэ-прэм'ер таксама зазначыў, што Беларусь падтрымлівае ідэю ўвядзення расійскага рубля як рэгіянальнай валюты.
БелаПАН
"Мы павінны разумець прамыслоўцаў, дырэктараў прадпрыемстваў. Калі год таму яны зараблялі расійскі рубель, дык тут за гэты рубель яны мелі 90—91 беларускіх. А сёння за гэты рубель яны атрымліваюць 74—75 беларускіх, і праблема не ў нас, праблема ў Расіі", — зазначыў У.Сямашка.
Ён патлумачыў, што з-за паслаблення расійскага рубля беларуская прадукцыя становіцца неканкурэнтаздольнай на расійскім рынку. У.Сямашка прывёў у прыклад Мінскі трактарны завод, які "за чацвёрты квартал мінулага года ў Расіі страціў каля 20 млн. долараў". Пры гэтым першы віцэ-прэм'ер зазначыў, што згодна з прагнозамі Цэнтрабанка Расіі з другой паловы года расійскі рубель пачне ўмацоўвацца.
У.Сямашка падкрэсліў, што ў Беларусі не будзе больш разавай дэвальвацыі, якая была ў пачатку студзеня. "Абвальнай дэвальвацыі не будзе", — заявіў ён і патлумачыў, што ў экспартна арыентаванай краіне з адкрытай эканомікай, якой з'яўляецца Беларусь, "умераная, разумная, мяккая" дэвальвацыя спрыяе абароне ўнутранага рынку і стымулюе экспарт.
Першы віцэ-прэм'ер таксама зазначыў, што Беларусь падтрымлівае ідэю ўвядзення расійскага рубля як рэгіянальнай валюты.
БелаПАН
