Права на ўвоз алкаголю ў Беларусь у IV квартале атрымалі 24 кампаніі

24 кампаніі атрымалі права на ўвоз алкагольных напояў у Беларусь. Пра гэта паведамілі ў Міністэрстве гандлю, інфармуе “Інтэрфакс”. У параўнанні з траўнем-вераснем 2008 года колькасць імпарцёраў павялічана на 9 кампаній. Як паведамлялася раней, дэкрэтам прэзідэнта №3 у Беларусі адменена кватаванне імпарту алкагольнай, нехарчовай спіртазмяшчальнай прадукцыі і нехарчовага этылавага спірту.

Яно заменена выключным правам дзяржавы на імпарт такой прадукцыі. Юрыдычныя асобы, якія рэалізоўваюць дадзенае права дзяржавы, вызначаюцца па выніках адкрытых конкурсаў.