П'яны мужчына разбіў на ганку міліцыі ёмістасць з ртуццю (фота)
Здарэнне адбылося ўначы 8 жніўня ў Віцебску.
Як паведамляе прэс-служба МНС, беспрацоўны грамадзянін, які быў у стане алкагольнага ап'янення, ішоў у будынак Кастрычніцкага РАУС, каб здаць ртуць. Аднак на ганку ён упаў, ёмістасць разбілася і з яе выцекла каля 50 грам ртуці.
На месца прыехалі выратавальнікі, якія сабралі небяспечны метал. Ніхто з людзей не пацярпеў.
Фота — МНС
