40 тысяч беларусаў — за хуткі рост тарыфаў на электраэнергію
На сайце "Белэнерга" на працягу восені праводзіцца апытанне наконт сістэмаў аплаты за электрычнасць.
Для галасавання прапануюцца два варыянты. Паводле першага, беларус за пэўны аб'ём электраэнергіі будзе плаціць па льготных цэнах, а за тое, што звыш нормы — па больш высокіх. Паводле другога, дзейная сістэма аплаты застаецца і надалей, але да 2015 года прапануецца больш інтэнсіўна павышаць тарыфы для насельніцтва.
На сайце "Белэнерга" больш за 40 тысяч чалавек (93%) прагаласавалі за хуткі рост тарыфаў. За першы варыянт выказаліся толькі каля 3 тысяч чалавек (7%).
Вынікі абмеркавання мусяць быць падведзеныя ў лістападзе.
Фота — aif.by
