Адкрыты чэмпіянат Беларусі па хакеі вяртаецца на тэлеэкраны
У сувязі са з'яўленнем новага спартыўна-забаўляльнага канала "Беларусь-2", які змяніў тэлеканал "Лад".
Белтэлерадыёкампанія адновіць трансляцыі пасля доўгага перапынку. Аднак пабачыць можна будзе не ўсе гульні, паведамляе БелТА. Намеснік дырэктара дырэкцыі спартыўнага вяшчання Белтэлерадыёкампаніі Аляксандр Казюкевіч адзначыў, што "Беларусь-2" плануе паказваць толькі самыя цікавыя матчы. Першы прамы рэпартаж выйдзе ў эфір у сераду 16 лістапада. Заўзятары ўбачаць сустрэчу паміж "Гомелем" і "Шахцёрам". Пачатак трансляцыі ў 18.55.
