Андэрс Брэйвік заявіў у судзе, што здзейсніў бы тэракты зноў
Абвінавачаны ў здзяйсненні тэрактаў у ліпені 2011 года, калі загінулі 77 чалавек, у аўторак пачаў даваць паказанні.
Трансляцыя яго прамовы была забароненая.
Між іншым, у судзе Осла Андэрс Брэйвік заявіў, што паўтарыў бы свой учынак, калі б атрымаў такую магчымасць. Паводле яго слоў, ён на баку "дабра, а не зла". Брэйвік сцвярджае, што ён спрабаваў абараніць еўрапейцаў і нарвежцаў ды перадухіліць грамадзянскую вайну, выкліканую "экспансіяй" мігрантаў.
Ён назваў Нарвегію "турмой" і запатрабаваў, каб суд яго апраўдаў.
Фота — vg.no
