Аспірант падаў у міліцыю на рэктара Інстытута фізіялогіі
Аспірант Аляксей Паўлоўскі просіць прыцягнуць яго да адказнасці. Нагодай малады навукоўца называе пераслед за крытыку.
Аляксей сцвярджае, што рэктар Іосіф Залуцкі казаў няпраўду пра яго паводзіны Вучонаму савету, а таксама пастаянна пагражае адлічэннем і ўжываннем фізічнай сілы. Акрамя таго, ён вусна нібыта пастаянна зневажае аспіранта.
Нагадаем, што ціск на Паўлоўскага пачаўся пасля яго скаргі ў Міністэрства адукацыі і Адміністрацыю прэзідэнта. Тады яму і іншым аспірантам не далі абяцаныя месцы ў інтэрнаце. У выніку супрацьстаяння Паўлоўскага адлічылі з аспірантуры. Але праз суд Аляксей дамогся аднаўлення ў аспірантуры. Што праўда, месца ў інтэрнаце яму дагэтуль не даюць.
