Азаранка выйшла ў трэці круг адзіночных спаборніцтваў на турніры ў Катары
У другім раўндзе беларуска ў двух сэтах расправілася з немкай Монай Бартэль — 6:1, 6:0.
Гэты матч быў для Вікторыі Азаранкі першым у статусе лідара сусветнага рэйтынгу.
Такім чынам, беларуска працягнула пераможнае шэсце ў цяперашнім годзе. Як нагадвае БелаПАН, Азаранка выйграла 13 з 13 паядынкаў, а таксама першынствавала на Australian open і турніры ў Сіднэі.
У трэцім крузе турніру Азаранку чакае сустрэча з румынкай Сімонай Халеп.
