Баранавіцкія ўлады хочуць вярнуць залатыя зубы
Старшыня гарвыканкаму Віктар Дзічкоўскі даручыў мясцовым стаматолагам аднавіць традыцыйныя віды зубнога пратэзавання.
Як заявіў чыноўнік на пасяджэнні гарвыканкаму 22 сакавіка, ва ўсім свеце перайшлі да золата, а ў Баранавічах такую паслугу насельніцтву не аказваюць.
У сваю чаргу баранавіцкія стаматолагі запэўніваюць, што неўзабаве залатыя пратэзы будуць даступныя для жыхароў горада. Цяпер вырашаецца пытанне з атрыманнем ліцэнзіі на працу з каштоўнымі металамі, адзначае галоўны лекар Баранавіцкай цэнтральнай паліклінікі Віктар Міхайлоўскі.
Цікавасць да залатых каронак захавалася ў людзей старэйшага пакалення, піша intex-press.by. Да таго ж пратэзы з высакародных металаў не выклікаюць алергіі.
