Баранавіцкі злодзей забыў на месцы злачынства свой ваенны білет
Мужчыну, якога падазраюць у крадзяжы з крамы, затрымалі.
Як паведамляе БелаПАН, 4 жніўня ў міліцыю звярнулася загадчыца крамы ў вёсцы Міцкевічы. Яна распавяла, што ўначы невядомы разбіў шыбу і адціснуў металічныя краты. Ён скраў з крамы ежу, выпіўку і курыва на суму больш як 4 мільёны рублёў.
Пры аглядзе месца здарэння міліцыянты знайшлі на падлозе крамы ваенны білет. Па ім і затрфмалі 37-гадовага непрацуючага жыхара Баранавічаў. У п'янага мужчыны выявілі і частку крадзенага.
На зламысніка пачалі справу за крадзеж. Заадно выявілася, што ён знаходзіцца ў вышуку за махлярства.
