Беларуская хакейная “маладзёжка” абыграла аднагодак са Славакіі
7 красавіка ў П’ешцянах беларусы перамаглі ў авертайме — 3:2 (0:0, 1:1, 1:1, 1:0).
Гэта была першая з дзвюх запланаваных таварыскіх сустрэчаў, інфармуе БЕЛТА. Беларусы здолелі выдраць перамогу ў самым пачатку авертайма, а перад гэтым усяго за 71 секунду да заканчэння трэцяга перыяду зраўнялі лік, сышоўшы ад блізкай паразы.
Сёння ў П’ешцянах каманды правядуць другі таварыскі матч. Для абедзвюх дружын гэты паядынак стане апошняй рэпетыцыяй перад чэмпіянатам свету. Славакі выступяць 11-17 красавіка ў групе А дывізіёна І у сябе дома, а беларусы ў тыя ж тэрміны, але рангам ніжэй, у групе В, якую прыме венгерскі Секешфехервар.
