Беларускіх пастаўшчыкоў дапусцяць да расійскіх дзяржзаказаў у 2012 годзе
Пастаўшчыкі паслуг у Беларусі змогуць выконваць дзяржаўныя заказы на ўмовах, якія прадстаўляюцца расійскім пастаўшчыкам.
Пра гэта заявіў 23 сакавіка намміністра эканамічнага развіцця РФ Аляксей Ліхачоў.
"Нацыянальны рэжым будзе дзейнічаць з Беларуссю з 2012 года, з Казахстанам — з 2014 года", — сказаў Ліхачоў.
Нагадаем, улады Беларусі не аднойчы папракалі кіраўніцтва Расіі ў стварэнні перашкодаў беларускім суб'ектам гаспадарання падчас правядзення дзяржзакупак. У сваю чаргу, расійскія пастаўшчыкі вінавацілі ўлады Беларусі ў нядобрасумленнай канкурэнцыі на ўнутраным рынку Беларусі, піша ІА REGNUM.
