Беларускія заўзятары скандавалі палітычныя лозунгі ў Хельсінкі?
З-за гэтага, нібыта, быў затрыманы пачатак сённяшняга матчу чэмпіянату свету Беларусь — Казахстан.
Як паведамляе Радыё Свабода са спасылкай на фінскія СМІ, заўзятары прынеслі з сабой бела-чырвона-белыя сцягі, трубы і скандавалі палітычныя лозунгі. З трыбуны іх не выдалялі, але матч пачаўся толькі пасля таго, як палітычная акцыя скончылася.
Паводле іншай версіі, затрымка пачатку матчу звязаная з тэхнічнымі праблемамі на арэне ў Хельсінкі.
Фота — daylife.com
