Брэсцкае бюро няшчасных выпадкаў выканала гадавую норму зваротаў
Пазалетась іх было 364, летась 327, сёлета, паводле стану на 2 красавіка, — 370.
Бюро рэгістрацыі няшчасных выпадкаў пачало працу ў 2005 годзе. Шасцёра яго супрацоўнікаў круглыя суткі дзяжураць на тэлефоне, паведамляе прэсавая служба Упраўлення ўнутраных спраў Брэсцкага аблвыканкама. Яны фіксуюць заявы грамадзян і арганізацый аб знікненні людзей, збіраюць з 60 медыцынскіх арганізацый вобласці, следчых ізалятараў і медвыцвярэзнікаў звесткі пра дастаўленых туды людзей і неапазнаныя трупы.
Пераважная большасць зніклых знаходзяцца самі. Прыкладна кожнага дзясятага знаходзяць у органах унутраных спраў, крыху больш у медыцынскіх установах. Аб прычынах сёлетняга ўсплеску колькасці зваротаў нічога не паведамляецца.
