Брэсцкая абласная бібліятэка атрымала калядныя падарункі
Замежнікі падаравалі ёй кнігі па гісторыі Беларусі, а паэт Алесь Разанаў — 70 сваіх кніг.
Ад замежнікаў прыйшлі дзве кнігі з Нямеччыны і адна з Англіі. Яны, у асноўным, тычацца гісторыі габрэйства на беларускіх тэрыторыях. Кнігі на мовах краін паходжання.
Сваю адметнасць мае кніга Вольгі Курыла “Другая Сусветная вайна ва ўспамінах беларусаў і немцаў”. Яна з’яўляецца супольным нямецка-беларускім праектам і зводзіць пад сваімі вокладкамі сведкаў часу з абодвух бакоў. Больш за тое, у яе напісанні ўзялі ўдзел “навукоўцы і навучэнцы з Нямеччыны і Беларусі”.
Паэт Алесь Разанаў прызначыў свой падарунак для рассылкі па бібліятэках Брэстчыны. 70 асобнікаў склалі 4 кнігі, якія выйшлі цягам апошніх 2 гадоў у выдавецтве Логвінаў.
