Брэсцкая фірма выканае падсветку ва ўнікальным пячорным храме
З Брэста ў Варонежскую вобласць выехала група спецыялістаў-электроншчыкаў. Праца, якую яны зараз выконваюць, без перабольшання ўнікальная.
Супрацоўнікі фірмы "Джафрэ Лабортэхнік" — рэзідэнта СЭЗ "Брэст " — мантуюць асвятляльнае абсталяванне ў пячорнай царкве XII стагоддзя, размешчанай у музеі-запаведніку "Дзіўнагор’е". І хоць у храме час ад часу ладзяць набажэнствы, цяпер гэта ў большай ступені турыстычны аб'ект. Ён адкрыты з красавіка па лістапад. У гэты перыяд штодня яго наведваюць у сярэднім да 250 чалавек, піша "Вечерний Брест".
Досвед такой брэстаўчане маюць — яны зрабілі асвятляльнае абсталяванне для дзеючай пячорнай царквы ў Славеніі.
