Брытанскі ўрад рыхтуе новыя меры кантролю за грамадзянамі
Паводле новых планаў, можна будзе перахопліваць электронную пошту, тэлефонныя гутаркі і запыты ў пошукавых сістэмах любога чалавека ў краіне.
Улады кажуць, што такія паўнамоцтвы жыццёва неабходныя для паліцыі і спецслужбаў, якія расследуюць сур'ёзныя злачынствы і тэрарызм. У той жа час праваабарончыя арганізацыі выказваюць трывогу ў сувязі з гэтымі намерамі, перадае ВВС. Такую ідэю ўжо адкінулі ў 2008 годзе пасля сур'ёзнага процідзеяння з боку грамадскасці.
Улады ўжо цяпер маюць доступ да велізарнага аб'ёму тэлекамунікацыйных звестак. Аднак адзіных канкрэтных правілаў наконт іх выкарыстання няма.
