Дэпутатаў расійскай Дзярждумы абавязалі спаць на рыпучых беларускіх ложках
Цяпер расійскія дэпутаты не змогуць змяніць мэблю ў службовых кватэрах — нават за свой кошт.
Парламентарыі ўспрынялі новаўвядзенне негатыўна. Яны скардзяцца на тое, што шафы развальваюцца, а беларускія канапы моцна рыпяць, адзначае газета "Известия".
Кіраўнік упраўлення па эксплуатацыі жылога фонду Мікалай Васільеў кажа, што работнікі структуры адмаўляюцца вывозіць з дэпутацкіх кватэраў старую мэблю. Яны спасылаюцца на тое, што бясконцыя пераезды наносяць страты дзяржаўнай маёмасці: мэблю даводзіцца то збіраць, то разбіраць.
Паведамляецца, што больш за 20 парламентароў пасля ўлазінаў у службовыя кватэры закупілі новыя канапы, шафы і ложкі. Прадстаўнік думскага камітэта па рэгламенце Уладзімір Пазднякоў паабяцаў пагаварыць з думцамі наконт парадку ў службовым памяшканні.
Фота — ria.ru
