Дзесяцікласнік з Гомеля - прызёр міжнародных спаборніцтваў сярод студэнтаў
У тройку прызёраў адкрытых міжнародных спаборніцтваў на Кубак кіраўніка Рэспублікі Карэлія па камандным праграмаванні сярод студэнтаў увайшоў дзесяцікласнік.
Ім стаў школьнік з Гомеля Генадзь Караткевіч, паведамляе karelinform.ru
Спаборніцтвы прайшлі ў ПетрДУ ў рамках трэніровачных зімовых збораў наймацнейшых студэнцкіх каманд па падрыхтоўцы да Чэмпіянату свету па праграмаванні. У сталіцу Карэліі па традыцыі прыехалі наймацнейшыя ўніверсітэцкія каманды з Расіі, Украіны, Беларусі, Польшчы, Фінляндыі, Казахстана і Швейцарыі.
135 маладых праграмістаў і 43 каманды, якія ўяўлялі 23 вну з сямі краін, спаборнічалі за права звацца лепшымі і атрымаць карэльскую пуцёўку на сусветны чэмпіянат.
Фота: diapazon.kz
