Дзве школьніцы з Брэстчыны выйгралі паездку восенню ў Швецыю
Яны перамаглі ў паэтычным конкурсе юнацкай паэзіі, які ладзіўся беларускімі і шведскімі літаратарамі.
Пераможцаў вызначылі “ўжывую” — 14 фіналістаў чыталі вершы ў актавай зале Брэсцкай абласной бібліятэкі, а журы іх ацэньвала адразу пасля выступу. Агулам даслалі на конкурс свае творы 182 маладыя аўтары з Брэстчыны. Аднолькавую суму балаў набралі Дар’я Пыж’янава з Белаазёрска і Вераніка Сідарук з Брэста.
Пакуль доўжыўся конкурс, міжнародная каманда літаратараў, у складзе якой Святлана Алексіевіч і Алесь Разанаў, пабывала ў Навагрудку і Бярозе.
На здымку: Пераможцы з шведскай арганізатаркай Марыяй Сёдэрберг.
