Дзясяткі тысяч нарвежцаў прыйшлі да будынка, дзе судзяць Брэйвіка (фота)
Спяваючы дзіцячую песню "Дзеці вясёлкі" пра мір і брацтва, яны пратэставалі супраць поглядаў Андэрса Брэйвіка.
Раней абвінавачаны ў здзяйсненні ў ліпені 2011-га тэрактаў, у выніку якіх загінулі 77 чалавек, назваў гэтую песню "марксісцкім прамываннем мазгоў".
Людзі, якія прынялі ўдзел у акцыі, прынеслі кветкі, каб пакінуць іх каля будынку суда ў памяць пра ахвяраў тэрактаў.
Нагадаем, у судзе цяпер слухаюцца паказанні сведкаў. Андэрсу Брэйвіку пагражае да 21 года зняволення.
Фота — EPA/ИТАР-ТАСС
