Еўрасаюз: Запуск Паўночнай Карэяй ракеты дэстабілізуе сітуацыю ў свеце
Кіраўніца еўрапейскай дыпламатыі Кэтрын Эштан выступіла з заявай з нагоды запуска паўночнакарэйскай ракеты-носьбіта.
Яна выказала заклапочанасць дзеяннямі ўладаў Паўночнай Карэі і адзначыла, што яны дэстабілізуюць сітуацыю ва ўсім свеце. Кэтрын Эштан заклікала Пхеньян ўстрымацца ад такіх крокаў у далейшым.
Нагадаем, няўдалы запуск паўночнакарэйскага касмічнага спадарожніка адбыўся ў пятніцу раніцай. Многія краіны свету сёння выступілі з асуджэннем дзеянняў Паўночнай Карэі.
Фота — segodnya.ua
