ФХРБ абвергла звесткі пра паўмільёна долараў за выхад на Алімпіяду
Федэрацыя хакея (ФХРБ) абвергла інфармацыю, што хакеісты зборнай патрабавалі за выхад на Алімпіяду прэміяльныя ў памеры 500 тысяч долараў.
Нагадаем, што звесткі пра такія патрабаванні апублікаваў учора журналіст газеты "Прессбол" Сяргей Новікаў. У артыкуле аўтар спасылаўся на звесткі, атрыманыя ад статуснага спартовага ўпраўленца.
Ад імя хакеістаў зборнай і трэнерскага штаба Федэрацыя хакея заявіла, што зборная каманда па хакеі не ставіла патрабавання аб прэміяльных за ўдзел і выхад на Алімпійскія гульні 2014. "Для ўсіх хакеістаў, якія прыбылі ў размяшчэнне нацыянальнай зборнай і прынялі ўдзел у Алімпійскай кваліфікацыі, выступ за сваю краіну быў справай гонару, а не грошай", — гаворыцца ў заяве, якую цытуе сайт goals.by.
Фота — dynamo.by
