Фюле: Афіцыйны Мінск не хоча дамовіцца з ЕС пра візы для беларусаў
Еўрасаюз прапанаваў уладам Беларусі правесці перамовы пра спрашчэнне візавага рэжыму для беларусаў, але не атрымаў адказу.
Таксама няма адказу на прапанову пра дамову аб вяртанні нелегальных мігрантаў. Пра гэта ў інтэрв'ю Радыё "Свабода" распавёў еўракамісар па пытаннях пашырэння і палітыкі добрасуседства Штэфан Фюле. Па яго словах, прапанова была зробленая яшчэ год таму.
Нагадаем, што шэнгенская віза для беларусаў каштуе 60 еўра. Расіяне, якія не ўваходзяць у праграму Еўрасаюза "Усходняе партнёрства", за візу плацяць 35 еўра. Па словах Фюле, у такой сітуацыі вінаваты афіцыйны Мінск, а не Брусэль.
Фота — svaboda.org
