Галоўны трэнер "Юнацтва" Міхаіл Захараў збіраецца ў адстаўку

Як паведамляе афіцыйны сайт ХК "Юнацтва-Мінск", рашэнне аб адстаўцы "не абумоўлена ніякімі іншымі абставінамі, акрамя жадання завяршыць трэнерскую кар'еру на высокім прафесійным узроўні".

Нагадаем, каманда Міхаіла Захарава сёлета няўдала выступае ў чэмпіянаце ВХЛ (другая расійская хакейная ліга) — 23-е месца сярод 27-мі ўдзельнікаў.

Міхаілу Захараву 51 год. У мінулым ён — вядомы беларускі хакеіст, выступаў за мінскае "Дынама", пасля гуляў у ЗША, Расіі. У 1996 годзе пачаў трэнерскую кар'еру, з 2003-га трэніраваў "Юнацтва", двойчы (у 2003-2005 гг. і 2009-2010 гадах) быў галоўным трэнерам нацыянальнай зборнай Беларусі.

Фота — junost.org