Ганчарэнка: мы пераканаліся ў значэнні фактару Глеба
Галоўны трэнер БАТЭ пракаментаваў паспяховы вынік гасцявога матча 3-га кваліфікацыйнага раўнда Лігі чэмпіёнаў.
Барысаўчане ў Венгрыі перамаглі "Дэбрэцэн" з лікам 2:0 (Мазалеўскі, 25, А. Валадзько, 59).
"Мы былі вельмі ўпэўненыя ў сабе, — кажа Віктар Ганчарэнка. — ...мы пераканаліся, якое вялікае значэнне мае фактар Аляксандра Глеба". Нагадаем, былы гулец "Барселоны" правёў за БАТЭ ўжо другі матч. Учора на рахунку Глеба была галявая перадача.
Ганчарэнка запэўніў, што ў яго дастаткова гульцоў, каб змагацца "на два фронты" — у чэмпіянаце Беларусі і ў Лізе чэмпіёнаў.
Лёсаванне раўнда плэй-оф Лігі чэмпіёнаў прызначанае на 10 жніўня.
Фота — fcbate.by
