Ганцаўчане афіцыйна зарабілі на ягадах амаль 2 мільёны долараў
У параўнанні з мінулым годам сёлета ў паўтара раза вырасла колькасць арганізацый, якія заявіліся на нарыхтоўку ягад.
Такую статыстыку апублікавала афіцыйная газета “Савецкае Палессе”.
Дарэчы, у свой час незалежная газета “Ганцавіцкі час” паведаміла і прычыну папулярнасці сезонных заробкаў. Ганцавіцкі раён увайшоў у топ-дваццатку самых адсталых у Беларусі. Менавіта малыя заробкі змушаюць людзей ісці на цяжкую працу ў лес і на балота. Многія ганцаўчане з’язджаюць на заробкі за мяжу, пераважна ў Расію.
Нагадаем, дрэнныя эканамічныя паказчыкі сталі прычынай нядаўняга звальнення двух старшыняў райвыканкамаў Брэсцкай вобласці, у тым ліку і Ганцавіцкага.
