Гомельскія ратавальнікі вызвалілі чалавека з нестандартнай пасткі (фота)
Мужчына захрас у пад’ездзе паміж прыступкай лесвіцы і парэнчамі.
Прычына такога здарэння была банальнай: пацярпелы быў нецвярозы, ішоў па лесвіцы, няўдала паваліўся і выпадкова захрас. Ратавальнікаў выклікала суседка, якая ўбачыла, што мужчына мае патрэбу ў дапамозе.
Спецыялісты вызвалілі яго пры дапамозе гідраўлічнага інструменту. Пры падзенні небарака атрымаў чэрапна-мазгавую траўму, таму яго адвезлі ў лякарню, паведамляе прэс-служба МНС.
