Грэцкая паліцыя знайшла скрадзены 10 гадоў таму шэдэўр Рубенса
Палатно, якое знікла дзесяцігоддзе таму ў Бельгіі, знайшлі ў двух грамадзян Грэцыі.
Прадстаўнікі паліцыі паведамілі журналістам, што карціна датуецца 1618 годам. Гэта "Каледонскае паляванне на дзіка". Палатно фламандскага майстра было канфіскаванае ў дваіх грамадзян Грэцыі — мужчыны і жанчыны. Зламыснікі збіраліся прадаць яго за мільён еўра. Іх арыштавалі, паведамляюць інфармагенцтвы.
