Гродзенскае тэлебачанне зняло “агітку” пра сацыяльныя сеткі (відэа)
Фільм “У сетках” (“В сетях”) перасцерагае: у інтэрнэце немагчыма захаваць ананімнасць, а за неабачліва кінутае слова можа “наступіць крымінальная адказнасць”.
Станоўчая роля сацыянльных сетак у жыцці грамадства апынулася амаль незаўважанай. Затое асаблівую ўвагу яны надалі “выразам, якія носяць антыграмадскі і нават антыдзяржаўны характар”, якія можна знайсці “у каментарах да кожнай навіны на кожным сайце”.
“Інтэрнэт называюць сусветным павуціннем, і некаторыя вырашылі, што змогуць у гэтым павуцінні схавацца… Усе крыкуны, якія заходзяць у інтэрнэт пад нікамі, вылічваюцца”, ― каментуе ў фільме прэс-афіцэр гродзенскай міліцыі Георгій Яўчар.
Пры гэтым час ад часу на экране з’яўляюцца нікнэймы карыстальнікаў незалежнага сайта “Блог Гродно s13”.
Фота: "Моя газета".
