Каля Гродна пройдзе бардаўскі фестываль “Зялёны Гран-Пры”
21-22 траўня фэст, у народзе вядомы як “Зялёнка”, у 29-ы раз збярэ выканцаў з Беларусі, Расіі і Украіны.
Адзін з найстарэйшых канцэртаў аўтарскай песні традыцыйна адбываецца ў палявых умовах - каля турбазы “Мелавыя горы”, што за некалькі кіламетраў ад Гродна.
Каб паўдзельнічаць у “Зялёнцы”, папярэдне дасылаць заяўкі і запісы песень у аргкамітэт не трэба. Жадаючым выступіць дастаткова прыняць удзел у адборачным туры непасрэдна на месцы ў першы дзень фестывалю.
Поўную праграму “Зялёнага Гран-Пры”, а таксама схему даезду можна паглядзець на сайце “Клуба неарганізаваных бардаў”.
