Каля польска-беларускай мяжы знайшлі кантрабанду на $100 тысяч (фота)
У Падляшскім ваяводстве Польшчы ў вёсцы Ксенжына было выяўленае сховішча з 29 тысячамі пачак нелегальных беларускіх цыгарэтаў.
Іх кошт складае прыблізна 313 тысяч злотых (каля 100 тысяч долараў).
Як паведамляе Падляшскі аддзел памежнай службы, каля цыгарэтаў знаходзіўся грамадзянін Польшчы, які быў затрыманы. Па факце выяўленых нелегальных цыгарэтаў праводзіцца расследаванне.
