Каля ста магілёўцаў выйшлі пратэставаць супраць будаўніцтва новага дома

Людзі былі незадаволеныя тым, што новы дом хочуць паставіць у высаджаным імі калісьці гайку. Акрамя таго, ніякія грамадскія слуханні з нагоды будаўніцтва новага дома не ладзіліся. Жыхароў “Юбілейнага” ніхто не інфармаваў пра планы будаўніцтва.

Паход гараджан у гарвыканкам не даў ніякіх вынікаў. Чыноўнікі адмовіліся выехаць на месца канфлікту і пагутарыць з грамадзянамі.

Само будаўніцтва пакуль не пачалося: месца будучай будоўлі толькі абнеслі плотам. Каб супрацьстаяць з'яўленню новага дома, людзі пачалі збіраць подпісы. Учора ўвечары іх сабралі болей за 200. У чацвер жыхары раёна збіраюцца абмеркаваць сумесны план дзеянняў. 

Фота — allday.ru