Кантрабандыст вёў мікрааўтобус, напакаваны беларускімі цыгарэтамі (фота)
Кантрабанду на амаль 50 тысяч долараў перавозіў грамадзянін Польшчы.
Супрацоўнікам падляшскай памежнай службы 4 жніўня ў вёсцы Кжыве трапіўся мікрааўтобус, цалкам запоўнены беларускімі цыгарэтамі.
Як паведамляе Kurier Poranny, агулам у аўтамабілі было 300 тысяч цыгарэтаў "Фэст" і "Прэм'ер". Кіроўцу аўтамабіля аштрафавалі, а цыгарэты канфіскавалі.
