Кембрыджскі універсітэт другі год запар узначаліў міжнародны рэйтынг ВНУ
На другім месцы размясціўся амерыканскі Гарвард.
Да 2010 года ён шэсць гадоў быў найлепшым універсітэтам свету. Трэцяе месца рэйтынгу дасталася Масачусецкаму тэхналагічнаму інстытуту. Амерыканскія і брытанскія навучальныя ўстановы практычна цалкам складаюць дваццатку лепшых ВНУ свету. Выключэнне — канадскі McGill University і швейцарскі Федэральны тэхналагічны інстытут. Яны займаюць адпаведна 17 і 18 радок, паведамляюць інфармагенцтвы.
