Кіроўца БМВ, які сутыкнуўся з аўтобусам, за год 12 разоў парушаў ПДР
Пра гэта паведамляе сталічная ДАІ.
Па звестках інспектараў, якія пераказвае БЕЛТА, аўтааматара за год 12 разоў спынялі за парушэнне Правілаў дарожнага руху.
Нагадаем, што жахлівая аварыя адбылася ўвечары 5 студзеня ў цэнтры Мінску. БМВ, у якой ехалі студэнт і студэнтка Белдзяржуніверсітэта, выскачыла на сустрэчную паласу і сутыкнулася з аўтобусам МАЗ.
Дзяўчына загінула па дарозе ў лякарню. Хлопец-кіроўца знаходзіцца ў рэанімацыі ў коме. Лекары дыягнаставалі ў яго закрытую чэрапна-мазгавую траўму цяжкай ступені.
Сярод пасажыраў аўтобуса нескладаную траўму левай нагі атрымала толькі адна пасажырка.
