Куляшоў: Правяраем увесь транспарт, асабліва на мяжы з Расіяй
Аб гэтым заявіў міністр унутраных спраў Анатоль Куляшоў.
Па яго словах, верагодна, што выбухоўка знаходзілася пад лавай на платформе насупраць другога вагона. У вынік выбуху ўтварылася варонка дыяметрам каля 80 см. Магутнасць выбуху ў Мінску ў трацілавым эквіваленце склала ад 5 да 7 кг. Выбухоўка была нашпігавана металічнымі шарыкамі дыяметрам каля 1 см.
На момант выбуху ў дадзеным месцы знаходзілася каля 300 чалавек. Як паведаміў міністр, цяпер арганізавана праверка ўсяго транспарту, які ўязджае і выязджае з рэспублікі. Пад пільнай увагай — перыметры мяжы ў Віцебскай, Магілёўскай і Гомельскай абласцях.
На ўзмоцнены варыянт насення службы пераведзены праваахоўныя органы ў месцах масавага збору людзей, на чыгуначных вакзалах, аэрапортах.
Таксама адбываецца зняцце ўсіх запісаў з сістэм відэаназірання, якія будуць дэталёва вывучаны. Следства будзе адпрацоўваць усе версіі, якія маюцца, да поўнай устаноўкі карціны таго, што адбылося, паведамляе БелТА.
