"Лакаматыў" зраўняў лік у чвэрцьфінале плэй-офф супраць мінскага "Дынама"
27 лютага ў чацвёртым матчы "Дынама" саступіла на сваёй пляцоўцы з лікам 2:4 (1:2, 0:2, 1:0).
Хакеісты яраслаўскага "Лакаматыва" зраўнялі лік (2:2) у чвэрцьфінальнай серыі плэй-офф Заходняй канферэнцыі КХЛ супраць мінскага "Дынама".
Серыя праводзіцца да чатырох перамог адной з каманд. Першыя гульні прайшлі ў Яраслаўлі 23 і 24 лютага (7:4 у карысць "Лакаматыва" і 4:1 у карысць "Дынама"). 26 лютага "Дынама" выйграла дома 4:1. Супернікі правядуць яшчэ прынамсі два матчы: 1 сакавіка ў Яраслаўлі і 3 сакавіка ў Мінску. Сёмая гульня (пры неабходнасці) адбудзецца 5 сакавіка на пляцоўцы "Лакаматыва", паведамляе БелаПАН.
