Латвія заяўляе, што страціць ад санкцый супраць Беларусі паўмільярда еўра
Гендырэктарка Латвійскай канфедэрацыі працадаўцаў Ліга Менгельсоне падлічыла дакладную лічбу стратаў — 480 млн 900 тысяч еўра.
Калі Еўрасаюз увядзе эканамічныя санкцыі супраць беларускіх прадпрыемстваў, звязаныя з транзітам нафты і вугалю, скароціцца аб'ём грузаў на чыгунцы. А гэта 3% унутранага валавага прадукту і 8,1% бюджэтных сродкаў Латвіі.
Менгельсоне падкрэсліла, што латвійскім уладам не трэба баяцца застацца ў меншасці ў ЕС па "беларускім пытанні", адстойваючы свае эканамічныя інтарэсы, інфармуе сайт delfi.lv.
