Лекару Майкла Джэксана далі чатыры гады турмы
Яго прызналі вінаватым у ненаўмысным забойстве свайго пацыента.
Суддзя ў Лос-Анджэлесе прызначыў максімальнае пакаранне, прадугледжанае для такіх выпадкаў. Ён падкрэсліў, што Мюрэй парушыў свае абавязальніцтвы як лекара, паведамляе ВВС.
Нагадаем, што 7 лістапада прысяжныя прызналі Мюрэя вінаватым у забойстве па неасцярожнасці. Лекар выдаў празмерную дозу моцнадзейнага прэпарата спеваку, які пакутаваў на парушэнне сну.
