Лікёра-гарэлачны завод стаў найлепшым працадаўцам Віцебску
Гендырэктар лікёра-гарэлачнага завода "Прыдзвінне" Міхаіл Васілеўскі перамог у штогадовым гарадскім конкурсе па выніках 2012 года.
Сам завод стаў пераможцам у намінацыі "Буйное прадпрыемства", паведамляе БелаПАН.
На званне найлепшага працадаўцы прэтэндавалі больш за 30 прадпрыемстваў Віцебску ўсіх формаў уласнасці. Сярод умоваў перамогі значацца цякучка кадраў і разнастайнасць сацыяльнага пакета, узровень заробкаў і выдаткі на прафесійную падрыхтоўку ды павышэнне кваліфікацыі работнікаў. Таксама звярталася ўвага на адсутнасць вытворчага траўматызму і запазычанасці па заробках і плацяжах у бюджэт.
Фота — litsa.com.ua
