Лукашэнка: Міліцыю можам скараціць, але паліцыяй яна не стане
Кіраўнік дзяржавы даручыў кіраўніцтву Міністэрства ўнутраных спраў падрыхтаваць прапановы па рэфармаванні ведамства.
Аляксандр Лукашэнка адзначыў, што рэфармаванне не павінна стаць "жорсткай структурнай ломкай", паколькі "асноўная структура міністэрства і органаў унутраных спраў... нармальная". У той жа час Лукашэнка супраць таго, каб міліцыя стала паліцыяй (як адбылося ў Расіі). "Гэта непрымальна для нашага грамадства", — цытуе яго словы БЕЛТА.
Сярод іншага, кіраўнік дзяржавы адзначыў, што магчымае скарачэнне колькасці міліцыі (за кошт скарачэння мяркуецца падняць заробкі) і вызваленне МУС "ад неўласцівых функцый".
Гл. таксама: Кіраўнік дзяржавы абнавіў міліцэйскае кіраўніцтва ды разгледзеў шэраг іншых кадравых пытанняў
Фота — bymedia.net
