Лукашэнка назваў БАТЭ адзінай светлай плямай у гульнявых відах спорту
На думку кіраўніка краіны, БАТЭ трэба падтрымліваць больш чым кагосьці іншага. Пра гэта ён заявіў на нарадзе па дзяржпадтрымцы спорту.
Старшыня праўлення футбольнага клуба БАТЭ Анатоль Капскі на нарадзе распавёў, што дзяржпадтрымка ў бюджэце клуба складае 40%, астатняе — сродкі ад камерцыйнай дзейнасці. Таксама ён лічыць, што неабходна ствараць сістэму аплаты працы ў залежнасці ад дэманстраваных гульцом вынікаў.
Лукашэнка назваў барысаўскі футбольны клуб адзіным калектывам у краіне ва ўсім спорце, які дае дадатны імідж дзяржаве і стварае настрой людзям, інфармуе "Прессбол". Тым не менш кіраўнік краіны падкрэсліў, што дзяржпадтрымку БАТЭ можна атрымаць толькі ў выглядзе крэдыту. Потым у выпадку паспяховасці спартовай кампаніі крэдыт могуць спатрабаваць не цалкам ці зусім спісаць.
