Мітрапаліт Філарэт правёў набажэнства каля ўваходу на "Кастрычніцкую"
Разам з ім за нявінна забітых маліліся больш за сто чалавек.
Мітрапаліт Мінскі і Слуцкі Філарэт правёў 13 красавіка набажэнства каля імправізаванай сцяны памяці, устаноўленай блізу ўваходу на станцыю метро "Кастрычніцкая". Пасля набажэнства мітрапаліт спусціўся ў метро, непасрэдна на месца выбуху.
Паводле слоў мітрапаліта, "царква будзе маліцца за ўсіх нямоглых і пацярпелых у выніку трагедыі", паведамляе БелаПАН.
