Магілёўскія эпідэміёлагі штрафуюць за нясвоечасовую прыборку тэрыторый
Парушэнні добраўпарадкавання тэрыторыі выяўленыя на кожным трэцім аб’екце Магілёва і Магілёўскага раёна.
Такія вынікі агучыла загадчыца Магілёўскага занальнага цэнтра гігіены і эпідэміалогіі Аксана Воранава, перадае "Радыё Магілёў".
Паводле красавіцкай праверкі на больш чым 150 установаў і прадпрыемстваў былі выпісаныя штрафы на агульную суму 10 млн рублёў. Да адміністрацыйнай адказнасці прыцягнута 45 чалавек, да дысцыплінарнай — 12.
Аксана Воранава кажа, што штрафы былі накладзеныя за нясвоечасовую прыборку тэрыторый, а таксама за нездавальняючы стан кантэйнерных пляцовак.
