Магілёўцы змагаюцца за беларускамоўныя дарожныя знакі (фота)
Актывісты БСДП (Грамада) занепакоеныя тым, што ў горадзе замест беларускамоўных знакаў пачалі ўсталёўваць рускамоўныя.
Прыкладам гэтаму з’яўляецца новы рускамоўны знак “Могилёв”, які абазначае населены пункт на ўездзе ў горад з боку Мінску.
Актывісты Грамады баяцца, што з такой тэндэнцыяй праз пэўны час усе дарожныя знакі русіфікуюцца і Магілёў перастане звонку выглядаць беларускім горадам.
Сацыял-дэмакраты даслалі лісты кіраўнікам горада і вобласці. Калі кіраўніцтва не прыслухаецца да гэтага, то актывісты плануюць пачаць збор подпісаў у абарону беларускамоўных дарожных знакаў.
