Магілёўскі скульптар хоча падараваць гораду скульптуру “Закаханыя” (фота)
Андрэй Вераб’ёў перакананы, што ягоная скульптура ўзвысіць значнасць Магілёва як "Культурнай сталіцы Беларусі і СНД".
Адзінай праблемай у ягонай задумцы з’яўляецца недахоп сродкаў. Каб зрабіць помнік, трэба болей за 200 мільёнаў рублёў. Гарадскія ўлады кажуць, што ў іх такіх грошай няма.
Скульптар хоча звяртацца па дапамогу ў аблвыканкам, бо час для ўсталявання скульптуры самы што зручны, піша gorad.by.
Памер зробленага Андрэем Вераб’ёвым макета складае 1 метр. Рэальны ж памер бронзавай скульптуры мусіць скласці 1 метр 80 сантыметраў.
Фота — gorad.by
