Мікалай Аўтуховіч не спадзяецца на амністыю
Палітвязень даслаў ліст свайму знаёмаму, з якім адбываў пакаранне ў адным атрадзе ПК №5 — да пераводу ў Гродзенскую крытую турму.
Сябар Аўтуховіча ўжо вызваліўся і цяпер жыве за мяжой. Радыё Свабода з дазволу гэтага чалавека апублікавала ўрыўкі з ліста палітвязня. У прыватнасці, Аўтуховіч піша, што разлічваць на амністыю яму не выпадае. У сваім лісце палітвязень адзначае:
“Паміраць дакладна ў хуткай будучыні не збіраюся. Не дачакаецеся! Шмат справаў трэба яшчэ зрабіць”.
Згодна з асаблівасцю утрымання ў “крытцы”, былы ваўкавыскі прадпрымальнік, воін-аўганец абмежаваны ў перадачах, спатканнях са сваякамі, прагулках на свежым паветры.
Аўтуховіч паўторна асуджаны ў траўні 2010 на 5 гадоў паводле артыкулу аб незаконных дзеяннях са зброяй.
